Namibië trotse Jongboer van die Jaar, mnr. Wilfred Pack, en sy vrou Sonja. Hulle boer op die plaas Grünental in die omgewing van Witvlei.

Soortgelyk

- 'Plaaspryse gaan verdubbel'

- Namibiese landbou kort steun

- Namibiese boere hou kongres

Namibië se Jongboer van die Jaar is mnr. Wilfred Pack van die plaas Grünental in die omgewing van Witvlei. Die trofee is op die openingsdinee van die Namibiese Landbou-unie aan hulle oorhandig.

Met sy bekendstelling het mnr. Sakkie Coetzee, bestuurder van die NLU, gesê dié kompetisie is vier jaar gelede ingestel met die doel om 'n standaard te stel vir jong boere in die land om die toekoms van kommersiële landbou te verseker. Hoewel daar net 'n paar inskrywings per jaar gekry word, is die mededinging straf. Dit is die tweede keer dat Pack ingeskryf het en hy het gewen omdat hy ag geslaan het op die kommentaar van die beoordelaars en hul aanbevelings uitgevoer het, het hy gesê.