Logistieke probleme het 'n duik in 'n SA vrugte- en groente uitvoermaatskappy se verkope in Angola gemaak totdat 'n vragskip gehuur is om produkte mee te vervoer. 
Wanneer supermarkte sê hulle wil die koolstofspoor van hul aanbodketting verklein, bedoel
hulle dit. Suid-Afrikaanse boere moet betyds
optree vir 'n mededingende voordeel.
Politieke stabiliteit kan Zimbabwe weer 'n
gerekende lid van die tabakbedryf maak.
Suid-Afrika se avokadoboere het rede om breed
te glimlag. Die binne- en die buitelandse markte
toon bestendige groei wat goeie winste lewer, maar
sulke dinge gebeur nie vanself nie. 
Navorsers van die Universiteit Stellenbosch (US) het 'n ongewone fitoplasma-siekte in tafel- en wyndruiwe in Suid-Afrika gediagnoseer. 
Suid-Afrikaners het deesdae meer geld om aan groente
en vrugte te bestee. Op 'n onlangse boeredag is meer
as 20 nuwe kultivars bekend gestel om in die groeiende
verbruikersvraag te voorsien. 
Wynbedryfsleiers besef daar is min wat hulle aan aksyns op wyn kan doen. Sommige meen egter dat dié belasting 'n
onregverdige las op kelders en die verkopers van goedkoper wyn plaas. 
Een van Suid-Afrika se voorste mangoprodusente is kriewelrig omdat die kunsmatige geesdrif vir organiese vrugte nie behoorlik neerslag vind in die mark nie. 
"Ons kry nog te min van
jul vrugte," sê 'n gesant van een van Europa
se grootste vrugtebemarkers.
Appels is nie tekkies of T-hemde nie. Om
Chinese appels en ander vrugte van 'n goeie
gehalte per see by verbruikers in Suid-Afrika
te kry, is ingewikkeld en duur. 
Wisselvallige opbrengste wat van 2 ton
tot 20 ton per jaar kan wissel na gelang
van die weer, veroorsaak 'n kwynende
belangstelling in kersies as 'n langtermyngewas. 
Bykans twee jaar se tegniese ontwikkeling en toetsing
het dividende gelewer, want eksotiese sampioene
word nou op
groot skaal in Suid-Afrika geproduseer. 
Uitvoerboere se taak is
deesdae makliker
danksy die opstel van
'n omvattende databasis
met inligting oor die maksimum
toegelate residuvlakke
vir vars produkte
wat die EU vereis .
Kenners het min hoop gehad vir 'n blok jong wingerd
wat swaargekry het onder die aanslag van wit- en
swartbrak. Humate en fulvate was die reddingsboei
wat dié blok deurgetrek het. 
'n Markleier in bloubessies
het ontnugterende feite
oor dié bedryf bekend
gemaak. 
Tafel- én droogdruifboere
kan steeds geld
maak, maar dan moet
hulle by die bemarking
van hul produkte betrokke
raak. 
Heuningbostee is een van
Suid-Afrika se bes bewaarde
geheime - selfs Suid-Afrikaners
is taamlik onbekend met dié
geurige tee met talle
gesondheidsvoordele.
Geblikte waterblommetjies bied uitkoms vir die
wispelturige varsproduktemark en bederf boonop
Gautengers en mense oorsee regdeur die jaar. 
Oor die eeue heen
word die aalwyn vir sy medisinale en
kosmetiese voordele besing, maar nou ook in 'n
opwindende reeks
koeldranke en ander lekkernye waaroor
mense gaande is. 
Weens
verskeie faktore is daar wêreldwyd 'n tekort aan inmaakvrugte. Pryse van 7%
tot 8% hoër kan internasionaal verwag word, wat goeie nuus vir plaaslike
boere kan wees.
|
Hierdie week in LBW
- Daar's nog geld in wyn - Kans om landbou reg te ruk - Goedkoop op gras - Plaasmoorde: Agri SA soek Mbeki - Koste wurg sitrusboere - Plaaslek het boere gaande - Spesiaal vir Ma |
