Aktekantoor skuif

Die Aktekantoor in Johannesburg skuif in die naweek van 24-26 November van die huidige kantoor in Rissikstraat na nuwe kantore op die 22e vloer van Marble Towers in Pritchardstraat.

Volgens mnr. Eddie Mohoebi, hoofdirekteur van kommunikasie van die Departement van Grondsake, sal die kantoor se werksaamhede nie deur die skuif onderbreek word nie en word stappe gedoen om te verseker dat die veiligheid van dokumente nie in die gedrang kom nie.

14 November 2007