Kan gras saaigrond verbeter?
Katoen onder geenbewerking. Foto: USDA
Is dit betalend om gras as ‘n wisselbougewas te plant om saaigrond te verbeter? Dit is die tema van die KwaZulu-Natalse No Till Club se jaarlikse landboubewaringskonferensie.
Dié konferensie is van 6 tot 8 September by die Drakensville-oord van die ATKV in die noorde van KZN.
Luidens ‘n nuusverklaring deur die organiseerders het grond, nes die mens, ‘n ruskans nodig om sy reserwes en welstand weer op te bou. “In die 1960’s was die aanplant van ‘n herstelgewas in bykans elke plaas se plaasplan opgeteken, maar soos wat boere al hoe meer intensief geboer het, het die praktyk om lande te laat rus, in die slag gebly. Die dryfveer agter intensiewer boerdery is ekonomies van aard en ons wil dus die voordele wat só ‘n herstel- of wisselbougewas vir saaigrond inhou, weer bekyk.”
Twee ervare sojaboonboere, mnre. Callie van der Linde van Standerton en Bruce Shepherd van Bergville, is van die sprekers wat van die referate sal lewer. Tydens die simposium sal masjinerie en werktuie vir geenbewerking uitgestal wees en konferensiegangers sal demonstrasies in die veld kan bywoon.
Die koste van die simposuim is R1680 vir lede en R1800 vir nie-lede van die KZN No Till-klub, indien betalings voor 2 September geskied. Besoek die klub se webwerf by www.notillclub.com vir meer besonderhede, die tariewe en om besprekings te doen.
19 Julie 2011
- 1925 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Ek soek raad. Ek is besig om van wattelbome ontslae te raak. Daar is niks gras nie en oorwegend rooigrond. Ek soek weidingsgras vir my beeste op my plaas in Cedarville. Ek wil weet watter gras en waar kry jy die saad, hoe en wanneer moet ek dit plant? Ek het in een kamp kikuyu geplant en het goed gedoen. Baie dankie.
Hier in die VSA doen ons 'n 2/3 rotasie met ons geen bewerking. Die land rus een uit 3 jaar en soesoende word genoeg vog terug gebou vir die volgende jaar. Grasse word gebruik om grond in langer periodes te laat rus, maar dit is meestal grond wat in die eerste plek nie moes ontwikkel gewees het nie. Nie ekonomies om gras te vestig as dit nie vir langer termyn periodes gedoen word nie.
Lewer kommentaar. (Jy hoef nie ingeteken te wees nie.)