Mielies: Bestaansboere woel

Bestaansboere het hul mielie-aanplantings binne 'n jaar met sowat 44% uitgebrei terwyl die verwagte oes op diegrond 117% hoër as die van die vorige seisoen kan wees, sê die Nasionale Oesskattingskomitee in die oppervlak- en vyfde produksieskatting vir somergraan wat vandag uitgereik is.

Die oppervlakte beplant met mielies in die bestaanslandbousektor word geskat op 497 980 ha, wat 'n toename van 44,2% verteenwoordig in vergelyking met die 345 266 ha van die vorige seisoen. Weens gunstige produksie toestande, is die verwagte mielie-oes van diesektor 464 069 ton, wat 117,1% hoër is as die 213 738 ton van die vorige seisoen.

Kommersiële mielies:

Die grootte van die verwagte kommersiële mielie-oes is op 11,598 miljoen ton gestel, wat 2,4% hoër is as die vorige skatting van 11,328 miljoen ton. Die oppervlakte beplant is onveranderd gelaat op 2,799 miljoen ha, terwyl die verwagte opbrengs verhoog is na 4,14 t/ha.

Die oppervlakte onder witmielies is 1,737 miljoen ha en vir geelmielies is dit 1,062 miljoen ha. Die verhouding van wit- tot geelmielie-aanplantings is 62:38 teenoor die vorige seisoen se 64:36.

Die produksieskatting van witmielies is 6,861 miljoen ton, wat 2,5% meer is as die 6,695 miljoen ton van die vorige skatting, terwyl die opbrengs van witmielies 3,95 t/ha is. In die geval van geelmielies is die produksieskatting 4,736 miljoen ton wat 2,2% meer is as die 4,633 miljoen ton van die vorige maand, terwyl die opbrengs van geelmielies 4,46 t/ha is.

Sonneblomsaad:

Die produksieskatting vir sonneblomsaad is 872 060 ton, wat 4,1% meer is as die 837 710 ton van die vorige skatting. Die geskatte oppervlakte beplant met sonneblomsaad is onveranderd gelaat op 564 300 ha, terwyl die verwagte opbrengs 1,55 t/ha is.

Ander gewasse:

Die produksieskatting van sojabone is 328 195 ton, wat 2,7% meer is as die 319 495 ton van die vorige skatting. Die oppervlakte beplant met sojabone is 174 400 ha en die verwagte opbrengs is 1,88 t/ha.

Die verwagte grondbone-oes is onveranderd gelaat op 85 360 ton. Die oppervlakteskatting is ook onveranderd gelaat op 54 200 ha, terwyl die verwagte opbrengs 1,57 t/ha is.

Die produksieskatting van sorghum is effens verhoog met 0,8% na 272 475 ton. Die oppervlakskatting vir sorghum is onveranderd gelaat op 89 800 ha, terwyl die verwagte opbrengs 3,03 t/ha is.

In die geval van droëbone is die produksieskatting sowel as die oppervlakte beplant onveranderd gelaat op onderskeidelik 58 975 ton en 43 800 ha. Die verwagte opbrengs is 1,35 t/ha.

Neem asseblief kennis dat die sesde produksieskatting vir somergewasse vir 2007/' 08, owel as die voorlopige oppervlakskatting van wintergewasse vir 2008 op 24 Julie 2008 vrygestel sal word.

26 Junie 2008