Koring: Oesskatting vir 2009

Koring: Foto: JEAN DU PREEZ

Produksiesyfers vir wintergraan in die 2009-seisoen is verlede week finaal bepaal deur die Nasionale Oesskattingskomitee en die Nasionale Landboubemarkingsraad.

Volgens die groepe beloop die koringoes vir die 2009-produksieseisoen 1,958 miljoen ton vanaf 642 500 ha se aanplantings. Dit is 1,95% hoër as die skatting in Februarie vanjaar. Die aangepaste skatting vir koring gebruik die gepubliseerde syfers van aflewerings van die Suid-Afrikaanse Graaninligtingsdiens (Sagis) as basis vir die berekening.

Die Departement van Landbou, Bosbou en Visserye se direktoraat vir landboustatistiek se berekenings rakende die gebruik van koring op plase en die hoeveelheid van dié graan wat teruggehou is, is by Sagis se syfers gevoeg om die finale skatting van die oes se grootte te bepaal.

In die geval van moutgars was die skatting 3,53% hoër as die finale syfer van 216 000 ton vanaf 74 760 ha aangeplant. Die kanola-oes vir dié tydperk is 0,10% hoër as die komitee se skatting vroeër vanjaar met 40 250 ton van 35 060 ha.

10 Mei 2010