Met mense soos Rod , Rodney , Rona en gooi sommer n Jannie daarby sal ons mielie produsente altyd aan die verloorkant wees . Los alle skattings en voorspellings en diferensiale uit die mark en laat n werklike vryemark die prys bepaal , slegs dan sal die speelveld gelyk wees .

Geagte JVDW. Rodney Dredge en Rona Beukes, lede van die Oesskattingskomitee, wil graag perspektief stel op oesskattings in SA. Een van die belangrikste metodes (wat ongeveer 95% bydra tot die oppervlakte bepaling) wat gevolg word om die oppervlakte vir somergewasse te bepaal, word ongeveer 15 000 punte in die produksiegebied deur middel van ‘n statistiese metode geselekteer. Hierdie punte word dan vanuit vliegtuie wat laag oor hierdie lande vlieg, geidentifiseer en statisties verwerk. Die rede hoekom die Oesskattingskomitee hierdie metode begin volg het om die oppervlaktes beplant met gewasse akkuraat te help bepaal, is omdat produsente begin het om al hoe minder en betyds deel te neem aan die oesskattingsproses deur gereeld en op ‘n maandelikse basis hul inligting aan die Departement van Landbou, Bosbou en Visserye (DLBV) terug te stuur. Produsente word wel gedurende die seisoen gekontak, hetsy telefonies of per pos, sodat die Komitee ‘n onderskeid kan tref tussen byvoorbeeld wit- en geelmielies, aangesien dit nie vanuit die lug waargeneem kan word nie. Wat die opbrengsbepalings betref, maak die Komitee ook hier van verskeie dataverskaffers se insette gebruik, naamlik die onderskeie Landbounavorsingsinstitute (objektiewe opbrengsbepalings) en inligting wat vanaf ‘n steekproef van produsente regoor die produksiegebied verkry word (pos-opname). Met betrekking tot die objektiewe opbrengsbepaling, besoek veldwerkers (hoofsaaklik produsente vanuit ‘n gebied) fisies ‘n steekproef van produsente hul plase om die opname te doen. Hierdie metodiek is dieselfde as wat in die VSA toegepas word. Indien u meer spesifiek sou belangstel in al die ander metode(s) wat die Komitee volg, sal ons met graagte vir u ‘n kopie van die metodieke kan laat kry. Verder nog, betwyfel ons u stelling dat ons aan die einde van die seisoen met ‘n mielie-tekorte gaan sit van 1,5 miljoen ton. Volgens ons (DLBV) se somme gaan daar aan die einde van die seisoen (30 April 2012) +684 000 ton mielies beskikbaar wees. Indien ons voorsiening sou maak vir die daaropvolgende maand en ‘n half (45 dae pyplynvoorrade), waar ons moet wag vir die nuwe-seisoen se mielies om gelewer te word, sou ons in ‘n tekort-situasie inbeweeg van omtrent 350 000 tot 400 000 ton. Om hierdie rede, soos u seker reeds bewus is, het die bedryf begin om mielies in te voer (volgens SAGIS: 186 823 ton sedert 1 Mei 2011 tot 10 Februarie 2012) sodat die bedryf in die land se voedselbehoeftes kan voorsien.

Nee man! Die manne van die Oesskattings komitee ry sommer met 'n vliegtuig oor 'n distrik, dan raai hulle ons gaan BAIE mielies hê! Hulle glo altyd hulle is reg, al kort ons teen die einde van die seisoen amper 1.5 miljoen ton mielies! Julle metode klink te wetenskaplik!

Hallo manne van die skatings.Weet julle iets van presisie boerdery?Elke land het sy op brengs en dit kan jy bepaal deur jou sataliet navigasie op die trekker of stroper se dak en deur jaarlikse grond monsters.Jy stel die planter in om `n sekere getal saad per hektaar te lewer na ontleding van die tiepe grond en voeding daarin.Dit bepaal jy vooraf deur jou huiswerk te doen verlede seisoen.Na dit vat dit al die kopseer uit die skating en raai.Dit sny kostes meer as die helfte want jy mors nie onnodige geld op ekstra diesel,saad en kunsmis en die oor toediening van insekdoder en onkruid bestryding.`n Groen droee land en `n groen bepsroeide land lyk almal dieselfde in die begin maar waar is die sigbare koppe vir produksie en die werklike opbrengs?