Menu
 

Deur MARLEEN SMITH
3 Julie 2009

3016 keer gelees | 0 kommentaar

Mieliepryse het vandeesweek 'n bloedige afwaartse lopie beleef en kommer heers nou oor die winsgewendheid van mielieverbouing.


Kommer oor die winsgewendheid van mielieverbouing het versterk nadat mieliepryse verlede week ’n bloedige afwaartse lopie beleef het.

Pryse op die graanbeurs in Chicago (CBOT) en Safex het getuimel nadat ’n Amerikaanse oesverslag en voorraadopname getoon het dat dié land se boere, ondanks ’n besonder  nat lente, die naasgrootste oppervlakte mielies in 63 jaar geplant het.

Die CBOT se prys vir ’n mieliekontrak vir lewering in Julie het Dinsdag verlede week met 29 Amerikaanse sent per skepel (amper 8 %) geval – die grootste in sewe maande. In elektroniese verhandeling oornag het dié prys egter weer ietwat herstel en met 4 Amerikaanse sent gestyg.

Safex se kontrak vir lewering van wit mielies in Julie het Woensdag verlede week met R50 (bykans 5 %) geval tot R1 362/t. Die kontrakprys vir die lewering van geel mielies in Julie het met R63 (4,5 %) tot R1 325/t gedaal. Dié beurs se mieliepryse daal reeds die afgelope paar weke.

Handelaars met wie Landbouweekblad gepraat het, meen Dinsdag en Woensdag se daling kon ’n emosionele reaksie wees en dat dit mettertyd behoort te herstel. Teen Woensdagmiddag het dit vir talle egter gevoel “of die mielieprys nie brieke het nie”, het een handelaar gesê.

Lees meer in Landbouweekblad se uitgawe van 10 Julie 2009.

3 Julie 2009


Kommentaar
Slegs in Afrikaans

Naam Kommentaar
E-pos
Tik in die nommers  

Vind jou perfekte maat nou!

Ek is 'n:
Stel belang in:
Ouderdom: tot
Huidige
Ligging:
Wys net profiele met foto's

Teken in vir die nuusbrief

Teken in op Landbou se weeklikse nuusbrief deur jou e-posadres hier in te vul.

Lewende Hawe

Soort 15/04/14 22/04/14 %
Beesvleis A2/A3 3446c 3452c down 0.2
Speenkalf (lewend) 1719c 1726c down 0.4
Skaapvleis A2/A3 4709c 4730c down 0.4
Varkvleis (gem. prys) 2132c 2119c down -0.6
Braaikuikens 1721c 1729c down 0.5

Aandele