Finale skatting vir mielies

Mielies. Foto: JOHN DEERE

Die verwagte grootte van die kommersiële mielie-oes is 13,043 miljoen ton, wat 0,39% of 50 600 ton laer is as die vorige skatting van 13,094 miljoen ton.

In sy finale produksieskatting vir somergewasse het die Nasionale Oesskattingskomitee sy beraming van die oppervlakte onder mielies onveranderd gelaat op 2,742 miljoen ha, met ’n verwagte gemiddelde opbrengs van 4,76 t/ha. Die oppervlakte onder witmielies is 1,720 miljoen ha en vir geelmielies is dit 1,023 miljoen ha.

Die produksieskatting van witmielies is onveranderd gelaat op 7,822 miljoen ton, met ‘n gemiddelde opbrengs van 4,55 t/ha. In die geval van geelmielies is die produksieskatting 5,221 miljoen ton wat 0,96% of 50 600 ton minder is as die 5,271 miljoen ton van die vorige skatting. Die opbrengs van geelmielies is 5,10 t/ha.

Sonneblomsaad: Die produksieskatting vir sonneblomsaad is onveranderd gelaat op 516 265 ton. Die geskatte oppervlakte beplant met sonneblomsaad is 397 700 ha en die verwagte opbrengs is 1,30 t/ha.

Ander gewasse: Die produksieskatting van sojabone is met 0,84% of 4 750 ton verlaag tot 560 950 ton, terwyl die verwagte oppervlakte beplant met sojabone 311 450 ha is. Die verwagte opbrengs is 1,80 t/ha.

Die verwagte grondbone-oes is onveranderd gelaat op 87 880 ton, met ‘n oppervlakte beplant van 57 450 ha en ‘n verwagte opbrengs van 1,53 t/ha.

Die produksieskatting van sorghum is met 4,97% of 11 500 ton verlaag tot 220 093 ton. Die oppervlakteskatting vir sorghum is 86 675 ha en die verwagte opbrengs is 2,54 t/ha.

In die geval van droëbone is die produksieskatting onveranderd gelaat op 52 255 ton. Die oppervlakte beplant is 44 100 ha, met ‘n verwagte opbrengs van 1,18 t/ha.

Die oppervlakte beplant met mielies in die nie-kommersiële landbou-sektor word geskat op 520 940 ha, wat ‘n toename van 11,1 % verteenwoordig in vergelyking met die 468 683 ha van die vorige seisoen. Weens gunstige produksietoestande, is die verwagte mielie-oes van dié sektor 605 864 ton, wat 17,3 % hoër is as die 516 633 ton van die vorige seisoen.

27 September 2010