Mielies: Oes al hoe groter

Mielies. Foto: CHARLES SMITH

Die nasionale mielie-oesskatting het die 13 miljoen ton-merk verbygesteek. Die Nasionale Oesskattingskomitee se verhoogde raming van 13,1 miljoen ton was geen verrassing vir die mark nie, en het nie juis ‘n uitwerking gehad op plaaslike pryse nie, wat reeds vir maande rondom uitvoerpariteit lê.

Die jongste skatting - 7,86 miljoen ton witmielies en 5,24 miljoen ton geelmielies - is sowat 1% hoër as verlede maande se beraamde totale oes van 12,96 miljoen ton. Die verhoging is danksy verhoogde verwagte opbrengste, wat nou op 4,57 ton per ha vir witmielies staan, en op 5,13 ton per ha vir geelmielies.

As die oes sou realiseer, sal dit die grootste in 28 jaar wees. Dit kom nadat die land se mielieboere hul aanplantings dié seisoen met amper 13% uitgebrei het – tot 2,7 miljoen ha.

Lees ook:

Staat het plan vir oorskot mielies

28 April 2010