ANC steun nie arbeidsmakelaars

Foto: THEUNS BOTHA

Dit is nog nie duidelik of arbeidsmakelary verban gaan word en of regulering eerder ingestel gaan word nie. Op ‘n vergadering van die Parlement se portefeuljekomitee belas met arbeid het dit egter geblyk asof ANC-LP’s eerder verbanning bo verdere regulering van die bedryf verkies.

By openbare verhore wat vroeër by die Parlement gehou was, het die voorsitter van die komitee, me. Lumka Yengeni, en ander ANC-LP’s arbeidsmakelaars as slawehandelaars en mensehandelaars beskryf. Die komitee het aangedui dat verdere openbare verhore in provinsies gehou sal word, voordat ‘n finale besluit oor die kwessie geneem sal word.

Agri SA steun die regulering van arbeidsmakelary eerder as die verbanning daarvan.

2 September 2009