Protes oor arbeidsmakelary

Foto: ANDRIES GROENEWALD

Die vakbond Cosatu en van sy sustervakbonde het gister as deel van die Internasionale Vakbondfederasie se wêreldwye werkersprotesaksie oor arbeidsmakelary in die landbou gestaak. “In Suid-Afrika is die fokus op arbeidsmakelary, wat Cosatu beloof het om tot niet te maak,” sê dié organisasie.

Lede van die Nasionale Unie van Mynwerkers, Die Nasionale Unie van Metaalwerkers (Numsa) en die Suid-Afrikaanse Demokratiese Onderwysersunie in die Wes-Kaap het gestaak. In KwaZulu-Natal het Numsa-lede fabrieke se vensters gebreek.

Unies beskryf, luidens ‘n artikel van Allafrica, arbeidsmakelary as slawerny en mensehandel en verhore word tans in die Parlement aangaande dié kwessie gehou. Die ANC verdoem arbeidsmakelary, maar die Demokratiese Alliansie (DA) en die Kongres van die Mense (Cope) meen dit moet eerder selfregulerend wees en nie verban word nie.

“Cosatu vermy die ware kwessies, soos die feit dat die verbanning van arbeidsmakelary 500 000 werksposisies in gevaar sal stel,” sê mnr. Andrew Louw, DA-woordvoerder rakende arbeidskwessies en LP. Hy meen ‘n verbod sal ook die Regering se werk kniehalter aangesien die Departemente van Landbou, Bosbou en Visserye, Kommunikasie en Publieke Ondernemings erken het dat hulle ook van arbeidsmakelaars gebruik maak.

Cosatu sê hy kan nie ‘n waarborg dat die ekonomie nie tot ‘n stilstand gedwing sal word indien sy eise rakende arbeidsmakelary nie aandag kry nie.

Bron:
Allafrica

8 Oktober 2009