Hoe lyk wyn in 2010?

Wyn. Foto: AMELIA GENIS

Sy vooruitsigte vir die internasionale wynbedryf vanjaar is onder meer dat wynpryse deur die bank gaan daal en dat meer verbruikers wyn aanlyn sal aanskaf, sê mnr. John Mariani, die nuusdiens Bloomberg se wynkenner.  Hy meen restaurante sal wêreldwyd ook minder aan wyn bestee.

Nóg moontlike veranderinge sluit die wyer gebruik van skroefdoppies op wynbottels in en ‘n toename in blogs oor wyn. Hy waarsku dat verbruikers lugtig moet wees vir onakkurate inligting in blogs en moet verseker hul bronne is betroubaar.

Mariani voorspel dat China vanjaar die beste mark vir goedkoper, hoë gehalte wyn sal wees, en voeg by dat die “vloed” van nuwe wyne van Suid-Amerika en Oos-Europa sal krimp. Hy meen ‘n wynoorskot in Nieu-Seeland sal wynprodusente in dié land knou.

Sjampanje kan ook ‘n moeilike jaar verwag weens ‘n toename in sprankelende wyn vir billike pryse wat die mark binnedring, sê Marinai.

Bron:
Bloomberg

6 Januarie 2009