Kimber lei Afrox

Mnr. Brett Kimber. Foto: VERSKAF

Mnr. Bret Kimber (50) is aangestel as die nuwe besturende direkteur van die Afrox-groep, ’n nywerheidsgas-, sweis- en veiligheidstoerusting-onderneming.

Die Suid-Afrikaans gebore Kimber was die hoofbestuurder van die nywerheidsgasmaatskappy Linde Korea. Kimber het verskeie senior poste beklee in die Linde-groep wat Afrox se meerderheids-aandeelhouer is.

Hy was onder meer die wêreld-besigheidsbestuurder vir BOC Edwards’ Bulk Gases Product Division in Singapoer en die projekontwikkelingsbestuurder vir Linde in Amerika.

Hy het ook verskeie senior poste beklee by Afrox vanaf 1990 tot 1998 en was ’n senior navorsingsgeoloog vir Anglo American se navorsingslaboratorium. Onder Kimber se kwalifikasies tel twee B.Sc. Hons.-grade in onderskeidelik minerale ekonomie aan die Universiteit van Johannesburg en in geo-chemie aan die Universiteit van Kaapstad.

10 Januarie 2012