Pasop hiervoor in 2012!

Wat lê vir die wêreldekonomie in 2012 voor? Dit kan die sukses van jou boerdery bepaal.

Die jaarlikse saamtrek van wêreldsakeleiers in Davos, Switserland, onder die vaandel van die Wêreld Ekonomiese Forum is ’n belangrike gebeurtenis.

Vooraf word heelwat voorbereidingswerk gedoen. Dit wissel van ekonomiese vooruitsigte en ontledings van die sake-omgewing tot die risikoverslag wat jaarliks bekend gestel word. In die risikoverslag ontleed sakeleiers wêreldwyd die grootste risiko’s vir sake doen.

Dit is nogal insiggewend en van groot nut, ook vir landboubesigheid. Dit gee ’n mens ’n idee van die waarskynlikheid en impak van verwagte risiko’s. Sodoende kan ’n mens jou sakeplanne aanpasbaar hou.

In die jongste verslag word nie net aangedui wat die grootste risiko’s is en watter skokke vanjaar kan voorkom nie, maar daar word ook vooruitgekyk na die volgende tien jaar. Dit is insiggewend dat die meeste van die risiko’s grootliks in Suid-Afrika aanwesig is.

* Lees prof. Johan Willemse se ontleding van dié verslag in die Landbouweekblad van 3 Februarie 2012. Klik hier om die volle verslag te lees.

30 Januarie 2012