SA in Viëtnam oor renosters

Renoster. Foto: www.agriwiki.co.za

Vyf verteenwoordigers van Suid-Afrika besoek Viëtnam om die groeiende onwettige handel in renosterhorings te bespreek, sê die Wêreld-natuurfonds (WWF).

Luidens ‘n berig op dié organisasie se webtuiste sluit die afvaardiging verskeie departemente wat die renosterbedryf in die land beheer, in. Die groep vergader met hul Viëtnamese eweknieë in Ha Noi en Ho Chi Minh om meer te leer van die land se beleide en hoe sake van onwettige handel in renosterhoring hanteer word.
 
TRAFFIC, ‘n organisasie wat toesig hou oor die internasionale windhandel en met die WWF saamwerk, het die reis gereël sodat die twee nasies beter kan saamwerk om dié misdaad hok te slaan.

Een renoster elke 30 uur
Tot dusver die jaar is meer as 230 renosters al vanjaar in Suid-Afrika doodgemaak vir hul horings, wat beteken dat een renoster elke 30 uur doodgemaak word.

“Dit is van uiterste belang dat Afrika se pogings rondom wetgewing en samewerking met Asië opgeskerp word in ‘n poging om die wêreld se renosters te red,” sê mnr. Tom Milliken, direkteur vir TRAFFIC in Oos- en Suider-Afrika.

Hy sê dié oorlog sal net gewen word as al die partye oor landsgrense heen saamwerk.

Intussen vergader regerings van regoor die wêreld in Nyanga, Japan, om nuwe teikens vir die bewaring van biodiversiteit te bespreek.

Lees ook:

Regulasies vir die onthoring van renosters en die besit van renosterhorings

21 Oktober 2010