Sensus nodig vir beplanning

Elektrisiteit. Foto: THEUNS BOTHA

Die sensusopname van Oktober 2011 word gedoen om die toekomstige behoeftes van Suid-Afrika se bevolking rondom hulpbronne soos opvoeding, water, elektrisiteit en gesondheidsorg te meet.

Die opname wat vir 9 en 10 Oktober beplan word, is nodig om te verseker dat regeringsdienste gelyk versprei word en dat regeringsgeld in verskillende streke en distrikte vir opvoeding en gesondheid toegewys en versprei word. Dis verder noodsaaklik om kiesdistrikte op nasionale en provinsiale vlak af te baken en die impak van nywerheidsontwikkeling te meet.

Lees ook:

Landbou: Hou dié dryfkragte dop

Elke mens in Suid-Afrika – ook onwettige immigrante – is wetlik verplig om deel te neem.

‘n Inligtingstuk wat die afgelope naweek deur Statistiek Suid-Afrika saam met koerante versprei is, toon dat SSA deeglik bewus is van kommer oor veiligheid. Volgens mnr. Calvin Molongoane, sensus-projekbestuurder, sal veldwerkers maklik uitgeken word.

Hulle het verder probeer om geloofwaardige mense met goeie reputasies in hul gemeenskappe as veldwerkers aan te stel. “Alle veldwerkers dra ‘n identiteitskaart. Indien jy enige bedenkinge het oor ‘n persoon se identiteit, kan jy ‘n tolvrye nommer bel om die veldwerker se identiteit te bevestig.”

Die sensus sal R2 miljard kos.

Om meer inligting te kry, besoek Statistiek Suid-Afrika se webtuiste.

22 Desember 2010