Geld vir grond gedaan

Die Vrystaat en Noord-Kaap kan vir die res van die boekjaar geen grond meer vir grondhervorming koop nie. Die grondeisekommissie vir dié provinsies sal eers weer ná die Begroting daaraan kan aandag gee, lui 'n brief van die kommissie aan die TLU SA (Oos).

Landbouweekblad het dié brief in sy besit. Mnr. Tsepo Tiale van die Grondeisekommissie het bevestig dat daar wél provinsies is wat nie meer geld het om grond te koop nie en dat hulle vir die volgende boekjaar se toelaag wag. Die kommissie het in Augustus verlede jaar 'n aanbod gemaak vir grond in die Vrystaat om 'n eis van die Makholokoestam af te handel.

In Mpumalanga wou grondeienaars die Regering verlede jaar dwing om eise teen hul grond in die Staatskoerant aan te kondig voordat hulle dit in die Grondeisehof kon beveg. "Ná 'n lang gesloer het die kommissie erken dat daar nie geld is om die Staatsdrukker te betaal nie en die eise dus nie afgekondig kon word nie," het Kemp gesê.

Lees meer in Landbouweekblad se uitgawe van 23 Januarie 2009.

19 Januarie 2009