PROMOSIE-ARTIKEL:
Die entrepreneur wat die program aanbied, mnr. Herman Bredenkamp, sê die funksies vir die inlees van finansiële data in dié program is só opgestel dat enige persoon, ook diegene wat geen boekhou- of rekeningkundige agtergrond en ondervinding het nie, dit met gemak sal kan hanteer.
Bredenkamp sê die meet-eenheid in enige besigheid is rand en sent - daarom is dit uiters noodsaaklik dat elke rand en sent wat bestee en ontvang word, onder die korrekte vertakking toegedeel word.
Sy onderneming, www.farmmanagement.co.za het al dié funksies, sodat wanneer finansiële data ingelees word, dit regstreeks onder die korrekte vertakking en waar nodig die item(s) in die vertakking gekoppel word.
Koste-implikasies van werk gedoen
By lone/salarisse word, met die insleutel van ure gewerk, verlof en siekverlof, die rand-sent-koste vir die betrokke werker ook gewys. Die boer is dus onmiddellik bewus van die koste-implikasie van die werk wat gedoen is. Uit die verslag oor ‘n werker, kan neigings ook maklik geïdentifiseer word.
Die BTW-verslag se betrokke tydperke kan geselekteer word en dit vertoon in die SAID-formaat. Die liters diesel wat nodig is vir die eis van die dieselrabat, word outomaties bereken vanaf die pos-inskrywings.
Die hoofredes vir die gebruik van die internet as basis is:
* Volgehoue ondersteuning en hulp is vir ons baie belangrik. Die internet het al die funksies om dit doeltreffend te onderhou.
* Gebruikers het nie nodig om enige rugsteun te doen nie. Wanneer ‘n rekenaar gesteel word of foutief raak, vervang die gebruiker dit net en gaan aan van waar hy/sy was.
* Hoewel die huidige program voorsiening maak vir alles, kan wysigings van tyd tot tyd nodig wees. Met al die verskillende sagte- en hardeware beskikbaar is die internet die beste en goedkoopste metode om sulke wysigings vinnig en korrek by gebruikers te kry.
* Die funksies van farmmanagement is ook via iPads toeganklik.
Navrae:
Herman Bredenkamp
www.farmmanagement.co.za
Selfoon: 082 899 9856
