Die beste plaaswerker in die Overberg is vandeesweek in dié omgewing se Plaaswerker van die Jaar-kompetisie aangewys. Die wenner, mnr. Colin Jonkers van Hamilton Wussel-wingerde by Hermanus, het ook in die junior bestuurskategorie skoonskip gemaak.

Jonkers is onder meer vernatwoordelik vir die onderhoud van wingerde en die bestuur van wingerdverwante take en werk vir vier jaar op die plaas. Hy was ook genomineer om opleiding rakende die wingerdbedryf in Frankryk te ontvang.

Dié kompetisie, wat deur Sanlam en die Wes-Kaapse departement van landbou aangebied word, het vanjaar sowat dubbel die inskrywings as vorige jare gelok.

Die kategoriewenners is:
Algemene werker: Adam Moses, Boontjieskraal-landgoed, Caledon.
Spesialiswerker: Mercia Miggels, Buffeljagsrivier.
Administratiewe personeel: Berene Sauls, Hamilton Russel-wingerde, Hermanus.
Tegniese operateur: Dennis Ribbok, Zuiderkruis-plaas, Hermanus.
Trekkerdrywer: Petrus (Toy) Bruintjies, Langhoogte-plase, Caledon.
Juniorbestuur: Colin Jonkers, Hamilton Russel-wingerde, Hermanus.
Middelbestuur: France Xinela, Klein-Soutrivier, Napier.

18 September 2009