Hierdie brandewyn het ook in 2004 en 2005 dié gesogte prys gewen. Duisende produsente van oor die wêreld heen neem elke jaar aan die kompetisie deel. Die brandewyn word deur middel van ’n blinde proesessie en chemiese analise gegradeer.

Me. Marlene Bester, bestuurder van Van Ryn’s op Stellenbosch, sê die geheim van ’n goeie brandewyn is om met goeie wyn te begin. “Die klimaat in Suid-Afrika is baie goedvir dié soort wyn wat ons vir brandewyn gebruik,” sê Bester.

Sy meen ook Suid-Afrika se streng regulasies en wetgewing rondom die produksie van brandewyn is verantwoordelik vir die gehalte van die brandewyn wat hier geproduseerword. “Ons standaarde is baie hoog en ons het die afgelope paar jaar bewys dat ons met die beste ter wêreld kan meeding,” sê Bester.

Van Ryn’s gebruik ’n dubbele distillasieproses wat in koperpotte plaasvind, om die wyn te stook. Van Ryn’s het ’n span proemeesters wat seker maak dat die brandewyn van ’n hoë standaard is.

“Die lede van ons proepaneel word almal opgelei om hul palette te ontwikkel om die geure in die brandewyn te identifiseer,” sê Bester. Sy sê die 12-jaar-brandewyn het komplekse geure.

Distell het 17 van die 22 goue medaljes wat aan Suid-Afrikaanse produsente toegeken is, gewen. Ander Suid-Afrikaanse brandewyne wat in die kompetisie gepresteer het, is die KVW se 20-jaar-brandewyn en Oude Meester se 18- en 20-jaar-brandewyn.