’n Digitale kamera en ’n wegbreek-naweek is die groot pryse in dié kompetisie. Die Vaalwater-fees word op 28 en 29 September op Vaalwater gehou. Hierdie fotowedstryd is deel van die lekker verrigtinge. Enige Suid-Afrikaner mag daaraan deelneem, buiten mense verbonde aan die feesbestuur, borge en Media24.

Verder kan enige fotograaf of amateurfotograaf begin foto’s neem van iets op die plaas, hetsy die wildbedryf of algemene landbousektor.

Die pryse is ’n digitale kamera en ’n gratis naweek met die komplimente van Blinkwater Lodge. Die beste foto’s sal in Landbouweekblad verskyn.

Inskrywings moet in elektroniese formaat gestuur word aan: vaalwaterwildsfees@mail.com. Dit moet die beoordelaars voor die aanvang van die wildsfees bereik. Mnr. Jan Horn kan by sel 081 509 3066 vir nadere besonderhede geskakel word.