Mnr. Koos Koen van Albertinia is die gelukkige wenner van Landbouweekblad se Boerpot 3-kompetisie! Hy wen ’n JCB Workmax 800D-voertuig. Koen en sy vrou, Nancy, bly op die plaas Onverwacht en boer met skape op 350 ha grond. “Hierdie Workmax gaan lekker werk om smiddae die diere bymekaar te maak,” sê Koen. Nancy sê sy sien ook daarna uit om self met die nuwe voertuig op die plaas rond te ry. 

Koen verduidelik dat dit eintlik te danke aan haar is dat hulle die prys gewen het. “Daar was een week toe al die tydskrifte op Albertinia uitverkoop was, toe ry ons Riversdal toe. Daar het ons die heel laaste Landbouweekblad gekoop en kon dus aan die kompetisie deelneem.” Nancy sê toe sy die inskrywing pos, kon sy voel dat hulle gelukkig gaan wees.

Vroeër vanjaar het Koen amper ’n Land Cruiser by die Nampo-skou gewen. Hy was een van ’n handjie vol finaliste, maar die persoon agter hom in die tou het met die spogvoertuig weggery. Nou, te danke aan Landbouweekblad en Greenfields is Koen die trotse eienaar van ’n splinternuwe JCB 800D.

Ander wenners: 

Nadine James van Calvinia wen ’n Sonpomp-stelsel van HH Electrical;

Walter Buhr van Dundee, KwaZulu-Natal; Suzette van Niekerk van Harrismith en Jannie Coetzee het elk 2 aande by Nyaru Lodge in Mosselbaai gewen;

Zelda Stumke van Port Elizabeth en Piet Bissett van Suiderberg Pretoria het elk ’n Megamaster 540 SE-patio-gasbraaier gewen;

Roelf Fourie van Onderstepoort, Vic Folkus van Hartswater, Enna Burger, Barry Pretorius en Andries Smit het elk ’n handbiltongkerwer van Claasens Design gewen; en

Lunes Louw van Williston en Don Brill van Port Elizabeth het elk ’n elektriese biltongkerwer van Claasens Design gewen.