Die vleisbeesskool het ontwikkel in een van die wêreld se voorste opvoedkundige landboukundige gebeurtenisse met inligting oor lewende hawe en dit lok van die wêreld se beste sprekers. Gassprekers vanjaar sluit in prof. Steve Miller, die direkteur van die Sentrum vir Genetiese Veeverbetering aan die Universiteit van Guelph in Kanada. Miller sal twee praatjies aanbied. Die eerste praatjie sal fokus op die vereistes om ’n volhoubare en winsgewende vleisbeesboerdery te bedryf, terwyl die tweede praatjie sal fokus op diereseleksie vir doeltreffendheid. Mnr. Ian Locke van Australië se aanbieding sal handel oor die bestuur van ’n volhoubare beesvleisproduksie-onderneming, geskoei op die Australiërs se ervaring van sake. Hy sal ook praat oor seleksie in terme van ekonomies belangrike eienskappe. Dr. Roger Hunsley, wat reeds sedert die begin van die Aldam-skool drie jaar gelede betrokke is, gaan weer die slagos-komponent behartig. Hunsley, tesame met Martin Seyfferdt, gaan ook die beoordeling van beeste hanteer.

Plaaslike gassprekers sluit in mnr. Ian Crook, algemene bestuurder van Pick n Pay-slaghuise, mnr. Dave Ford, uitvoerende hoof van die Suid-Afrikaanse Voerkraalvereniging, en mnr. Ryno van der Merwe, voorsitter van die Namibiese Landbou-unie. Afgevaardigdes sal weer kan kies uit ’n verskeidenheid praktiese sessies wat rantsoene, teling, weidingkunde, die evaluering van beeste en finansiële bestuur sal insluit.

Daar is nog ’n paar plekke beskikbaar. Inskrywingsvorms is beskikbaar op die webwerf www.stockmanschool.co.za of bel me. Charmaine Alberts by tel. 051 821 1783.