Percheron ná 40 jaar ingevoer

Foto: www.studbook.co.za

’n Percheron is vir die eerste keer in meer as 40 jaar na Suid-Afrika ingevoer. Mnr. Johan van der Merwe, voorsitter van die Percheron-telersgenootskap van SA, sê dit is ’n aanduiding van die hernude belangstelling in dié swaar trekperdras. Benewens die invoer van die hings Sympa De Bellevue uit Frankryk het die ledetal van die betrokke genootskap vanjaar sy hoogste vlak in jare behaal.

Op die jaarvergadering van die genootskap tydens die Hoefslagfees op Geyerspan, Lichtenburg, het Van der Merwe dit beklemtoon dat die ras ’n bloeitydperk beleef en dat die vraag na perde van dié swaar trekperdras groter is as wat die mark kan voorsien.

Volgens hom is vanjaar inderwaarheid ’n gedenkwaardige jaar vir die ras in SuidAfrika. Een van die hoogtepunte is die viering van die genootskap se 70ste bestaansjaar.

Lees meer in Landbouweekblad se uitgawe van 24 Julie 2009.

21 Julie 2009