Sogkratte is taboe, sê Savpo

varke. Foto: ANDRIES GOUWS

Die Suid-Afrikaanse varkbedryf gaan stelselmatig ontslae raak van droësogkratte.

Mnr. Simon Streicher, hoofbestuurder van die Suid-Afrikaanse Varkvleisprodusente-organisasie (Savpo), sê vanaf 1 Januarie 2020 mag dragtige sôe nie langer as 63 dae in sogkratte aangehou word nie.

Varkboere sal egter die hand diep in die sak moet steek om aan die vereistes van Savpo se nuwe welsynskode te voldoen. Om dus te verseker dat Suid-Afrikaanse boere tyd het om veranderinge aan te bring sonder om benadeel te word, sal daar stelselmatig met sogkratte weggedoen word.

“Die kratte moet stelselmatig uitfaseer word om chaos in die bedryf te voorkom. Engeland het dit te vinnig gedoen en dit het sy varkbedryf só geknou dat dit steeds nie herstel het nie,” sê Streicher.

’n Volledige artikel verskyn eersdaags in Landbouweekblad.

4 Februarie 2011