Koei soog skaaplam sonder ma

Moedersmelk! Foto: RENÉ THERON

‘n Skaaplam wie se ma dood is en ‘n Tuli-koei wat haar kalf verloor het, is nou ma en kind!

Hier is nou die mooiste storie in 'n lang-lang tyd, skryf René Theron van Murraysburg:

“En ek het dit met my eie oë gesien en met my eie kamera afgeneem - dis so waar as kan kom. Dit het gebeur op Waaikraal, Kallie en Miemie van Heerden se plaas in die distrik Murraysburg. ‘n Tuli-koei het die nag gekalf maar die kalfie is ongelukkig doodgebore.”

Dieselfde nag het 'n ooi gelam en die ooi is toe óók dood. Dié twee “wese” het mekaar in ‘n kamp van 200 ha raakgeloop en toe neem die koei die lammetjie aan en gee hom melk en begin hom grootmaak. Dit is net te pragtig om te sien hoe die lammetjie agter die koei aanhuppel nes asof dit sy eie skaapma is. Slim skapie dié - hy weet waar om genoeg melk te kry!

Hier is nog foto’s van dié vreemde ma-en-kind, asook twee video-grepe oor dié besondere gebeurtenis:

Kort video.

Langer video.

Fotogalery.

30 Augustus 2010