Bekende grootvoet dood

Een van die olifante met die langste tande in die Nasionale Kruger-wildtuin, Alexander, is verlede Saterdag vermoedelik aan 'n hartaanval dood. Die dier is sowat 2 km van die Mopani-ruskamp deur me. Mariaan Venter, 'n navorsingstudent, gevind.

Die kort tydperk tussen die reus se dood en die ontdekking van die karkas is van belang vir navorsers en natuurbewaarders. "Nádat ek met 'n besoeker gepraat het wat foto's van die olifant geneem het op pad na die Mopani-kamp toe, het ons bevestig dat die olifant net 27 minute voor die foto geneem is, nog gelewe het. Dit is 'n ongelooflike sameloop van omstandighede," sê mnr. Johann Oelofse, veldwagter.

Hart- en longweefsel is verwyder om die oorsaak van Alexander se dood te bepaal. Sy ivoor sal verwyder, geweeg en gebêre word vir moontlike uitstalling.

Besoekers aan die wildtuin kan ook aan die Emerging Tuskers-kompetisie deelneem deur hul foto's en videogrepe van olifante met lang tande in te stuur. Die doel van dié kompetisie is om die olifante se gedrag en bewegings beter te verstaan.

Skakel 013 735 6664 vir meer inligting.

9 Februarie 2009