Die dier se brein is na Onderstepoort in Pretoria gestuur vir ontleding. Mnr. Sizwe Kupelo, woordvoerder vir die Oos-Kaapse departement van gesondheid, sê die seun is dadelik in die hospitaal opgeneem vir behandeling. "Die seuntjie is in die Lusikisiki-hospitaal opgeneem waar hy dadelik op medikasie geplaas is," sê hy.

Hy sê dat kanse op 'n volledige herstel goed is as 'n mens dadelik mediese behandeling kry. "Mense wat nie dadelik behandeling ontvang nie, sal sterf. Dit is die ergste dood wat mens kan sterf," voeg hy by.

Mnr. Charles Hayward, 'n veearts in Port Elizabeth, sê dat hondsdolheid veral 'n probleem in KwaZulu-Natal is. "Dit is net 'n kwessie van tyd voordat dit na die Oos-Kaap oorspoel. Mense moet ingelig word oor die gevare - veral in plakkerskampe - om die siekte sodoende te beheer."

Bron:
Die Burger

21 November 2008