Hy meen sulke diere is tans dié bedryf se grootste struikelblok en sê "dit is duidelik dat Suid-Afrika nie die nadelige invloed van probleemdiere kan bekostig nie".

Olivier meen dat Suid-Afrika se beesboere kan by die Brasiliane gaan kers opsteek oor die winsgewende verhoging van vleisproduksie. Hy het op die vereniging se kongres op Cradock gesê die Brasiliane het produksie binne drie jaar met 50% verhoog deur hulle op die volgende aspekte toe te spits: Die versnelling van die diere se rypheid en ontwikkeling, hul vee se ongekunsteldheid, die verlaging van die slagouderdom en die ouderdom waarop koeie die eerste keer kalf.

Hy het gesê hoewel Suid-Afrikaanse verbruikers vars vleis verkies, bly die land 'n netto invoerder van rooivleis. "As in ag geneem word dat die verwagte vraag na rooivleis binne die volgende paar jaar met 20% gaan styg en dat dit die vinnigste groeiende landboukommoditeit ter wêreld is, behoort plaaslike boere meer vleis te produseer."

(Lees die volledige berig in Landbouweekblad se 24 Oktober 2008 uitgawe)

21 Oktober 2008