Ná ’n verlies van 40 skape, 27 ooie en 13 lammers, het ’n boer van Kaapstad besluit hy het genoeg gehad van veediefstal. Mnr. Erard Louw sê hy ná dié diefstal tien dae gelede besluit om nuwe maniere te kry om sy skape veilig te hou.
Luidens ’n
berig op
Nuus24.com sê Louw, wat naby Durbanville boer, hy het intussen ’n opsporingtoestel om van sy skape se nekke geplaas wat hom in kennis stel wanneer hulle hardloop. Die meganisme is aan vier skape van elkeen van Louw se troppe vas.
Sodra die diere begin hardloop, kry Louw ’n boodskap op sy telefoon, want dit is gewoonlik ’n teken dat hulle gesteel word of deur ’n heining gekruip het. “Soos wat hulle hardloop, kry ek ’n foonoproep wat sê ‘skaap een’ of ‘skaap twee’ en so aan. Ten minste weet ek dan waar om te begin kyk, want die plaas is 750 ha groot,” sê Louw.
VeediefVolgens Louw het die gebruik van die toestel reeds gelei tot die inhegtenisneming van ’n veedief op sy plaas.
Die Rooivleisbedryfsforum het vroeër vandeesweek ’n verklaring uitgereik waarvolgens dit veediefstal as ’n winsgewende onderneming beskryf wat die bedryf groot verliese besorg. Hulle vra boere om seker te maak dat vee voldoende gebrandmerk word sodat veediefstalsake voorkom of behoorlik ondersoek kan word.
Bron:
Nuus24.com
