Nuwe trekkers, stopers gewild

Trekkerverkope van 525 eenhede in Junie was byna 30% meer as die 409 eenhede wat verlede Junie verkoop is, sê mnr. Charles Van Niekerk, voorsitter van die SA Landboumasjinerie-assosiasie.

Vir die jaar tot dusver is trekkerverkope byna 55% hoër as wat dit vir die vorige ooreenstemmende tydperk was. Stroperverkope van 39 eenhede in Junie was drie keer meer as in Junie verlede jaar en weerspieël die vraag na toerusting om die huidige uitstekende mielie-oes te stroop. Balerverkope het redelik lewendig gebly en is byna 50% hoër vir die jaar tot dusver.

Sentiment in die mark bly positief. Sekere boere sal egter, wanneer hulle beplan vir die komende somergewasseisoen, versigtig kyk na insetkoste voordat hulle besluit wat hulle aan die einde van die jaar wil aanplant. Die laat somer-/herfsreën het sekere boere in staat gestel om die primêre voorbereidingswerk van landerye te doen en dit stimuleer ook die verkope van toerusting.

Die vraag na landboutoerusting sal waarskynlik goed bly in die derde kwartaal, waarna verkope sal afhang van die weer en aanplantvooruitsigte vir somergewasse in die vierde kwartaal.

4 Julie 2008