Boere koop 138 nuwe trekkers!
Die opgewonde kopers saam met verteenwoordigers van Case IH. Foto: VERSKAF
Boere wat ’n mielieboerdery in die Noordwes bedryf het 138 nuwe trekkers en vier selfaangedrewe spuite bestel by Case IH, ’n vervaardiger van trekkers en landbouwerktuie.
Die trekkers en spuite word deur Northmec, Case IH se plaaslike verspreider, afgelewer as vernuwing en uitbreiding van mnre. Dirk Fourie en Pieter en PG van Zyl se vloot waarmee hulle elke jaar 18 000 ha mielies plant.
Die boerdery se trekker- en werktuigvloot bestaan reeds uit Case IH-produkte waaronder etlike selfaangedrewe stropers.
Die nuwe trekkers wat afgelewer word, bestaan uit 60 eenhede JX95 vierwielaangedrewe trekkers wat 72 kW (98 pk) lewer, 50 eenhede Maxxum 125 trekkers wat 93 kW (125 pk) lewer, 28 eenhede van die Magnum 340-modelle wat 250 kw (340 pk) lewer en wat baie onlangs in Suid-Afrika bekend gestel is.
Om die bestelling mee af te rond, word vier Patriot® 3330 selfaangedrewe spuitmasjiene afgelewer. Hierdie spuite se enjins lewer 185 kW (250 pk) en dit spog met ’n tenk wat 3 785 liters hou.
By die oorhandiging van die eerste trekkers van hierdie bestelling was, van links, mnre. Arno du Plessis, Northmec se produksiebestuurder van Case IH, Gustavo Pinto Teixeira, CNH se besigheidsbestuurder in Suid-Afrika, Stephen Tyler, CNH se Racine-aanlegbestuurder, Kobus Olwagen, Northmec se produkbestuurder van Case IH, PG van Zyl (jr.), Johan van der Merwe, besturende direkteur van Northmec, Pieter van Zyl, Braam van Greunen, Paul Viljoen, verkoopsbestuurder by Northmec, en Dirk Fourie (sittend). (Foto: Verskaf deur Northmec/Case IH)
10 November 2011
- 2196 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
@ Hannes, is die reen dan anders daar as hier. Die feit dat dit Afrika is, nou ja, weet nie rerig wat jy probeer se nie....
Met een 250Hp trekker en een 12 ry mielieplanter, plant ons hier, dis nou na daai reenbui van jou, gemiddeld so 150Ha per dag per trekker (10Ha per uur teen 4-6mph). Met 8 trekkers kan mens binne 15 dae klaar wees. Gaan mens na 24 ry planters toe met dieselfde trekker, plant jy effens meer, so 225 Ha per dag per trekker, dan is mens klaar binne 10 dae. Ins ons geval kry ons NOOIT reen oor al die grond nie, so 'n week of wat later as mens gelukkig is plant jy die ander lande wat nat is....Ons geleentheid vir plant hier strek oor so 6 weke.(15 April tot einde Mei)
Ek suig nie statistiek uit my duim nie my vriend, ek is SELF op die trekker as die wiele rol....
Ek help graag as jy meer vrae of aantuigings het...produktiwiteit is ons trots hier !!
Die feit dat die manne moed het....absoluut, wens daar was meer van hulle.
kansas groete
Duidelik weet jy niks van droëlande af nie. Hierdie is Afrika en as dit reën moet daar gewerk word. Plantdatum is plantdatum. Veels geluk aan die nuwe eienaars van die trekkervloot. Manne met soveel moed is skaars.
Hoekom so baie trekkers?
In VSA word dieselfde 18 000 Ha mielies met 4-6 trekkers bewerk en geplant. 2 spuit trekkers sal die spuitwerk kan behartig en miskien 4 stropers....Wat is die verskil? Goedkoop arbeid?
Lewer kommentaar. (Jy hoef nie ingeteken te wees nie.)