SA satelliet geloods

Foto: www.dst.gov.za

Die Suid-Afrikaanse Regering het vandeesweek sy eerste satelliet, SumbandilaSat, in Kazakstan geloods. Die satelliet is deur die Universiteit van Stellenbosch se fakulteit van ingenieurswese gebou in opdrag van die Departement van Wetenskap en Tegnologie en sal onder meer vir landboudoeleindes gebruik word.

SumbandilaSat, wat “lei die weg” in Venda beteken, het sowat R26 miljoen gekos en sou oorspronklik in 2006 in Rusland geloods word, maar is weens politieke en tegniese probleme vertraag. Die satelliet wentel 500 km bo die aarde en sal vier keer per dag oor Suid-Afrika beweeg.

Die satelliet van 81 kg sal gebruik word om onder meer die migrasie van bevolkingsgroepe, die vlakke van damme, infrastruktuur en die landbou te kontroleer deur middel van hoëresolusie-beelde.

Bron:
Appafrica
University World News
ITweb
Disaptch Online

23 September 2009