Die halsband werk soos die hartklop-monitors wat drawwers gebruik.

Toerusting wat die hartklop van die skaap meet, bepaal of die dier in gevaar is. Toetse het gevind dat skape se hartklop van 80 tot 225 slae per minuut toeneem wanneer hulle bedreig voel.

Wanneer ’n skaap met die halsband se hartklop baie vinnig toeneem, is die halsband veronderstel om ’n reuk of klank af te skei wat wolwe dan twee keer sal laat dink voordat hulle aanval. Die halsband sal ook ’n SMS aan die eienaar van die skaap stuur wat hom van die bedreiging in kennis stel.

’n Prototipe is reeds deur wetenskaplikes in Switserland getoets en verdere navorsing word beoog.

Bron: Wired