Bekende veearts vereer

Prof. Theunis Stephanus Kellerman, wêreldbekende kenner van diere-toksikologie, het 'n eredoktorsgraad in veeartsenykunde van die Universiteit van Pretoria ontvang.

Prof. Kellerman het sy BVSc-graad aan dié universiteit verwerf en was geruime tyd in Zimbabwe by veeartsenydienste betrokke voordat hy later by die LNR-Onderstepoort Instituut vir Veeartsenykunde betrokke geraak het.

Kellerman is die senior outeur van die standaard verwysingsboek oor plantvergiftigings en mikotoksikoses van lewende hawe in Suider-Afrika, wat as handboeke by universiteite en deur dierkundiges en navorsers wêreldwyd gebruik word.

2 Desember 2008