Beleggers kyk nuut na Kaap Agri

Beleggers van buite die landbou is besig om kennis te neem van winsgewende beleggingsmoontlikhede by landbou-ondernemings. Dit lei tot stygings in die aandeelpryse van dié maatskappye.

Kaap Agri het vroeg Desember die finansi&eumlle resultate vir die boekjaar 2006/'07 bekend gemaak. Hy kon onder meer spog met 'n styging van 63% in sy aandeelprys - van R5,10 per aandeel tot R8,30. Altesame 19 miljoen aandele (9%) is in die
boekjaar verhandel.

Mnr. James Matthee, finansi&eumlle direkteur van Kaap Agri, skryf die toename toe aan verskeie faktore, waaronder die maatskappy se goeie resultate die afgelope jaar, die opheffing van beperkings op die verhandeling van Kaap Agri-aandele, die publisiteit wat met die herstrukturering en Kaap Agri se verkryging van 'n groter belang
in Pioneer gepaardgegaan het, Pioneer se volgehoue goeie
prestasie, die feit dat Kaap Agri grootliks onderwaardeer was
en die verwagtinge by die beleggerspubliek
oor Kaap Agri se toekoms.

Die toename in die aandeelprys en die verhoging van sy
ekonomiese belang in Pioneer Voedsel tot 33%, het Kaap Agri
se markkapitalisasie laat verdubbel tot R1,9 miljard.

Kaap Agri se bedryfswins was R63,7 miljoen - 34% ho&eumlr
as die vorige jaar. Matthee sê dit kan toegeskryf word aan 'n groter
volume sake wat gedoen is, groter doeltreffendheid en kostebeheer.

Landbouweekblad, 4 Januarie 2008