Boere vergoed vir bestuifskade

Talle boere met bestuiwingskade op Monsanto se drie Suid-Afrikaanse
witmieliebasters het reeds ingestem tot 'n skikkingsooreenkoms
oor skadevergoeding, sê dié biotegnologie-maatskappy.

Afgevaardigdes van die maatskappy het die eerste week van individuele
vergaderings afgehandel met boere wat geraak is.

Volgens mnr. Kobus Lindeque, Monsanto se plaaslike gebiedsdirekteur,
het bykans ál die boere wat in die eerste week besoek
is, die maatskappy se aanbod om skadevergoeding vir oesverliese
aanvaar.

Volgens Monsanto is die totale skadeberaming is nog nie ver genoeg gevorder
om 'n tonnemaat of geldwaarde daaraan te koppel nie.

Monsanto SA het vroeër in 'n verklaring gesê die eerste fase van
sy ondersoek na die skade het getoon sowat 75 000 ha is geraak en
die gemiddelde bestuiwing op die lande met skade was 90%.

17 April 2009