Argentinië Verloor

Argentinië gaan 150 miljoen US $ verloor, nie omdat hulle span dalk nie die wêreldbeker gaan wen nie, maar omdat hulle tussen 10 000 en 14 000 ton hoë kwaliteit vleis nie meer na Europa kan uitvoer nie. Hulle totale kwota, van die alombekende Hilton kwota, is 28 000 ton. Dit is slegs die tweede keer in die geskiedenis, dat dié land, nie sy kwota kan lewer nie.

Die rede waarom hulle nie hul kwota kan voorsien nie, is drieërlei. Eerstens word dit gewyt aan die vertraging in die toekenning van die kwota aan die uitvoerders, die beperking van die regering op die buitelandse verkope van vleis en die gebrek aan diere wat geskik is vir die kieskeurige Europese mark. Die gebrek aan geskikte diere kan gewyt word aan die goeie reën van die afgelope somer na die vorige jaar se droogte. Beesboere is weer besig om hul kuddes op te bou.

Die kieskeurigheid van die Europese mark, stuit baie uitvoerders teen die bors, maar hulle wil seker hul eie produsente beskerm. Diere moet meer as 50% Europese en/of Britse rasse se bloed hê, naspeurbaarheid moet streng nagekom word, maw diere se hele geskiedenis, behandelings en chemiese middels waaraan hulle onderwerp was, moet beskikbaar wees. Verder word net 4 van die beste snitte toegelaat om na Europa uitgevoer te word. Dít maak slegs 14% van die karkas uit. Om 1000 ton vleis na Europa uit te voer, moet ongeveer 30 000 beeste geslag word. Hierdie is slegs enkele van die vereistes waaraan voldoen moet word.

Die Argentyne wag angstig om te sien wat se kleur kaart vir hulle getoon sal word, om hulle te penaliseer omdat hulle nie hul kwota kon lewer nie.

Hasta la proxima

Sommig van die inligting afkomstig van : Agromeat.