Bek-en-klou enting

Gister het ons die verplige halfjaarlikse enting teen bek-en-klou gehad. Ongelukkig het ek op die Skype spasie vir boodskappe dit die oggend genoem. Vanoggend bel vrind Daan uit SA en noem dat hy sien dat ons beesprobleme het. Kon hom gerusstel dat ons gelukkig nie het nie, hoop die storie loop nie nou dat ons bek-en-klou het nie. Paraguay is ´n uitvoerder van beesvleis op voorwaarde dat alle bees 2 keer per jaar geent word teen die gevreesde siekte. Die taak is onder toesig van aangestelde toesighouers van die staatsdepartement wat daarmee belas is. Die vereniging van die beesboere speel ook ´n belangrike rol in die koordinering en gedeeltelike finansiering daarvan. Aangesien die uitvoer van beesvleis een van die vernaamste verdieners van valuta vir die land is, besef die regering én die beesboere hoe belangrik dit is dat Paraguay sy status van vry van bek-en-klou met inenting, moet behou. In Januarie 2005,