Blogger
Ek ondersteun
Leon Kruger
|
Shaka Impi
|
Jakkals
|
Volgelinge
-
scorpiondip -
Leon Kruger
-
Jakkals
Vriend
|
Leon Kruger
|
Shaka Impi
|
My Weer
Kaapstad
|
|
|
Sonsopkoms: 7:37
Sonsondergang: 17:47
Kaapstad
| Bygewerk: | 24 May 03:00 IDT |
| Temp: | |
| Druk: | |
| Doupunt: | |
| Humiditeit: | 72% |
| Wind: |
Kaapstad
Peiling
Boerdery vandag - 16 Februarie
Ingestuur deur Le-Andrie Bezuidenhout op 17 Februarie, 2010 - 08:15
Wat 'n vreeslike besige 2 dae het ons nou agter die rug gehad. Het al 118 skapies gedosseer en ge-ent - vir alles! Hul is egter minimaal gehanteer in hul lewe, het altyd net deur die voetbad gehardloop. So ons het ons hande vol gehad. Soos almal weet is ons fasiliteite nog nie reg nie so ons het maar sukkelend alles voltooi. Nou uiteindelik is ons klaar gister middag.
Die slegte nuus is dat ons 1 lammetjie verloor het deur die nag eergister. Sy was nog nie gedoseer of ge-ent nie, ons neem maar aan dit is dan van die stres van die ver ry en verandering van omgewing. Die ander lyk darrem goed en nie een het koors nie!
Nou moet ons more weer begin - vir die Cydectin! Die keer gaan dit darrem vinniger. Hul moet ook nog al hul los hare en tossels afgesny word. Die paar wat ons al geskeer het kan ons net so wel vir een of ander mode tydskrif stuur vir "before and after" kompetisie! Moet se, dorpers wie se LANG toonnaels afgesny is en ook wie se tossels en oortollige wolle afgesny is lyk BAIE mooier!
Hul het nou hul RWK kamp totaal en al opge-eet, en gister middag het ons vir hul voer/lek toe nou geggee. Het die fout gemaak om die sakke meel op n kruiwa tussen hul in te stoot. Hul het ons letterlik aangeval en die sakke begin verskeur! Wel hul het dit vreeslik geniet! Vandag moet hul begin veld toe....
Intussen doen die hoenders ook goed. My eerste 10 kuikens het in die broeimasjien uitgebroei en ons wag in spanning vir die ander 38!
More moet ons begin om die besproeing reg te kry en ons sal ernstig moet begin plant vir die winter weiding!
Hier is die RWK kamp voor die skape hom beetgekry het!
JOhan en Pa Hennie besid om 'n skapie op te hys vir gewig bepaling. Tydelike drukgang van sinkplate gemaak. Besig om almal te doseer en te ent.
Ek bring die volgende een in die drukgang in! Is vandag so vol bloukolle soos hul my geskop het!
Hul eet hul voer!
Voer word uitgedeel! Kyk hoe is die RWK opgevreet!!!
Tot weersiens!
- Le-Andrie Bezuidenhout se blog
- 1408 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lizette,
Baie dankie vir die raad. Het gesien hul mae was los en dit was veral van die lek wat ons hul gegee het. Hul ken dit nie. Het hul ook net 2 ure op 'n slag 2 keer 'n dag veld toe gestuur en nou is almal se mae darrem weer beter en feitlik reg. Almal gister Cydectin gespuit en ek dink hul is darrem nou reg vir n rukkie. Ons het ook maar 'n klein stukkie grond om op te boer en ons huis is ook nog in Gauteng. Verhuur dit uit. Het laas jaar die kans gevat en sit nou bankrot hier in die noorde. Woeker met die hoenders om die pot so bietjie aan die gang te hou en die groentetuin help ongelooflik baie. Ons 2 kindertjies is darrem nog jonk dat ons hul nie hoef skool toe te stuur nie, so ons glo oor 'n paar jaar gaan dit darrem bietjie beter.
Moenie my uitnooi om jou sommer net te kontak nie, ek is kepabel genoeg om jou enige tyd te kontak!!! Sterkte vir jul ook met die boerdery. Gaan vandag nou eers Dorper-klub vergadering toe in Warmbad.
Groete
Le-Andrie
P.S vir Luhann,
Bly aan droom en vat een goeie dag net daai laaste tree! Dit is 'n moeilike besluit as mens eers gewoond is aan 'n maandelikse salaris. Glo my, na 3 maande mis jy daai salaris nooit weer nie en besef jy jy was nog nooit so ryk in jou lewe nie, al dink die bank-bestuurder nie so nie!!! Sterkte, en hou my op hoogte van hoe jou droom vorder asb.
"LIVING THE DREAM"
Ek wil ook so graag begin, maar soek nog die regte geleentheid! My plan is darem stadig besig om na 'n kant te beweeg!
Sterkte Luhann
Ons is in Naboomspruit, maar werk in Gauteng - ja, dit is ook ons hartsbegeerte om voltyds daar te wees, maar ai ons moet hier werk om daar aan die gang te hou - so gaan net naweke plaas toe ! Jy is welkom om my te kontak (enige tyd van die dag of nag !!) en ek sal my ondervinding met jou deel - my skape is soos my kinders en jy laat my baie aan myself dink as ek sien die passie wat jy vir hulle het. Die grootste probleem wat ek al ervaar het toe ek nuwe skape gekoop het was om hulle stelselmatig gewoond te maak aan die nuwe weiding en kos, want hulle mae kan nogal sensitief wees vir veranderinge. Probeer hulle so stelselmatig gewoond maak aan die nuwe omgewing. Groete.
Lizette
082 467 9434
Dankie Lizette, waar boer jul? Hul is vandag veld toe en daar is 'n paar wat agter rond hang en nie so vrylik rond spring nie.
Sal maar dop hou!
Sterkte, as almal net eers aangepas het op jou plaas en die "gevaar tye" is oor dan sal dit goed gaan. Sodra hulle vreet dan is alles ok, maar o wee as een nie wil eet nie of maak net of hy eet, dan moet jy spring, want dan is daar iets fout. Hou ook die dop wat agter loop. Sterkte en hou ons op hoogte. Ons het so 5 jaar gelede begin met ons eerste skapies en glo my jy betaal maar "skoolgeld", maar dit is alles die moeite werd.
Groete
Lizette
Lewer kommentaar. (Jy hoef nie ingeteken te wees nie.)