Boran Bosluisprogram, Humansdorp

Ek het regtig min kans gekry om my inskrywings op datum te bring.  Ek het net groot vreugde om met enkele werklike goeie produsente te werk wat my werk vir my makliker maak, omdat tyd en afstand dit moeilk maak .

Een van hierdie produsente is Johan van der Watt en sy Pa Corn van SandSonia Boranstoet te Humansdorp.

Goeiemôre Pierre

Hoop dit gaan goed in die “BlouBul vallei”. Hierdie naweek gaan dit klippe kou op Nuweland wees !!

Net ‘n kort nota om die vordering met jou voorgesteldeStrategiese Geïntegreerde Parasiet Bestuur (SGPB) op ons plaas, SandSonia Boran, weer te gee.

Voor 15 Augustus     - Spreidip (spray race dip)

Implementering van Strategiese Geïntegreerde Parasiet Bestuur (SGPB) met Scorpiondip sisteem

15 Augustus 2009          

Produk 1  soos deur jou bepaal om inwendige parasiete en uitwendige vlieë, myte, luise en bloubosluise vir sowat 28 tot 30 dae te beheer.

Resultaat

1. Beeste het vinnig blinkglad vertoon en totale vermindering van irritasie van uitwendige vliee was binne dae sigbaar. 
2. Waarneming van haargroei waar myte en/of luise die diere voorheen gebyt het, was ook te bespeur.  Die bloubosluise wat wel op die beeste was met die dipproses, was ook effektief beheer.
   

31 Augustus 2009

Produk 2: Multigasheerbeheer

28 September 2009

Produk 3: Bloubosluisbeheer

1. Jou berekenings en voorspellings van wat gaan gebeur, was amper tot op die datum korrek.  Die bloubosluise is sedert 15 Augustus van die eerste behandeling, nog steeds afwesig op die hele trop beeste. 
2. Ons hoop om die behandeling vir bloubosluise, sedert 15 Augustus, op jou berekeninge eers weer te herhaal teen ongeveer 15 Jauarie 09.
   

12 Oktober 2009

Produk 2 vir Multigasheerbeheer

Jy het voorgestel dat ons as ‘n begin ‘n redelike intensiewe multigasheerbeheerprodram implementeer. 

1. Verstaan ons reg dat wat jy wil doen, is om te verhoed dat die vorige jare se nimfe en volwassenes geslagsryp word om eiers te lê omdat hul voedingstydp[erk op die diere gemiddeld 4-7 dae is voordat dit afval.
2. Ons verstaan ook dat ons nie die bosluise heeltemal kan en wil uitroei nie, omdat hul ander gashere soos slange en rotte en muise asook voëls het.
3. Maar, ons moet die die beeste gebruik vir veral twee redes,
   
   1. om die bosluise in die veld te oes om die hartwaterstam, wat ons tans hierlangs bevind op veral hartwaterboslsuise, n goeie knou te gee
   2. dat ons ‘n eie balans moet vind op ons gronde, om die tye van effektiewe beheer vas  te stel
   3. dat ons die diere se opgeboude natuurlike weerstandigheid teen die hartwaterstam, altyd juis met die bosluisbyte instand hou.
      

Waarnemings

1. Deur waarneming het aan die die lig gekom dat die Bontbosluis (Hartwater – 3 gasheer bosluis) teen ongeveer 20-25 dae na behandeling (20-25 September 09) sigbaar was.
2. Teen ongeveer die eerste week van Oktober 09 is volgesuigde Bontbosluis wyfies ook waargeneem en daarom die opvolg behandeling op 12 Oktober 2009.
3. Die grondtemperatuur het nou begin beter word vanaf einde September 09 en weidingsgroei kom mooi aan na ‘n relatiewe koue, maar droeë winter vir ons streek.
4. Wat reënval betref het ons die afgelope 6 weke van begin September elke 2 weke ongeveer 30 mm reën gehad met ‘n groot dankbare seën reën 11/12 Oktober van 48mm.
5. Dit is ook egter amper ideale omstandighede vir die ontwikkeling van die bosluise en ons observasie gaan nou verder verskerp.
   

Die proteienvlak wat die beeste tans inkry is ook konstant meer as +-12% vanaf die veld/weiding.

Volgende Stap

15 Januarie 2010

Dit is die verwagte datum, soos deur jou bepaal, dat daar weer bloubosluise op die diere behoort te wees. 

Laat weet gerus indien ons vir nog enige moontlike “simptome” moet bedagsaam wees.

Groete en baie dankie vir jou waardevolle hulp.

Johann van der Watt

SandSonia Boran

Sel: 079 509 5476