Blogger
Ek ondersteun
Ondersteun nog niemand nie
Volgelinge
-
scorpiondip -
wielepieterse -
Sandra Nel
Vriend
Nog nie vriende gemaak nie.
My Weer
Kaapstad
|
|
|
Sonsopkoms: 7:37
Sonsondergang: 17:47
Kaapstad
| Bygewerk: | 24 May 03:00 IDT |
| Temp: | |
| Druk: | |
| Doupunt: | |
| Humiditeit: | 72% |
| Wind: |
Kaapstad
Peiling
Boran Groete (Nasionale Veiling)
Ingestuur deur boran op 6 Julie, 2010 - 14:55
Goeie More hier van Bethal.
Dit was met n bietjie vreugde wat ek sien dat daar 'n Boran bul op die voorblad van ons Landbou Weekblad is met 'n opskrif van "Organiese vleis van swak veld" Dit behort 'n goeie artikel te wees. Ek hoop nou maar net die Poskantoor vat nie te lank voordat hulle my tydskrif in my hokkie plaas nie.
Wel die Nasionale veiling is om die draai en dit beloof om 'n goeie veiling te wees hierdie jaar. Daar is van die beste Borans wat hierdie jaar op die veiling aangebied gaan word.
Die veiling vind plaas by die Afridome in Parys op die 17 Julie 2010. Daar gaan verseker iets vir almal wees. Daar gaan saad beskikbaar wees van die land se top bulle, top bulle word verwag en mooi verse en koeie.
So doen jouself 'n guns en kom vergewis jouself met die Boran. Daar sal kundiges wees om jou te help met al die vrae wat jy het. Ek vat self 'n paar van my top beeste na die veiling toe en dit is altyd met 'n gevoel van effense angs wat jy jou beeste na die vertoonkamer van die ras toe vat.
Ek gaan maar 'n paar fotos hier aanheg sodat julle maar kan kyk en dalk kommentaar kan lewer hier.
LOT NO 76 C07 03 (Bonaparte)
Dominante sterk bul met goeie kapasitiet en 'n uitstekende skede en baie sterk libido. Sal 3 jaar oud wees op
C07 04 Lot No 22 Die ideale Boran koei. Eerste kalf op
Gespoel vir embrios in Mei 2010 en sy gee 8 Graad Een Embrio’s.
In kalf van CFH06 45.
Verkoop as 3 in 1 met bul kalf C09 85
Sire: PM 14R Dam : HVT 0205
Lot no 77 Z 06 19
Suiwer Kenya genetika. Die koei spoel goed as 'n vers en skenk 25 embrios oor 3 spoelings met 'n gemiddeld van 8 embrios per spoeling. 'n baie mooi vroulike koei en sy verkoop met haar bul kalf van 45 dae. Beslis 'n goeie belegging.
Sire: Marula 25 Dam: Ol Pejeta 2424
Lot no 123 Z 06 24
Sy is 'n baie besonderse mooi diep rooi koei met goeie pigmentasie, Sy is suiwer Kenya genetika. Sy is tans 7.5 maande dragtig en sy is gedek deur of TLM 06 506 (Balthazar) of CFH 06 45 (Byrnie) enige een van daardie bulle sal haar 'n pragtig kalf gee. Sy is gekeur as 'n embrio skenker maar is nog nooit gespoel nie.
Sire: Marula 25 Dam: Ol Pejeta 4504
Nou ja daar is nou 'n paar foto's om julle lekker watertand te kry.
Onthou om in te loer op die genootskap se web werf www.boran.org.za en julle daar meer inligting kry oor die Boran.
Boran Groetnis
Buks van Bethal
- boran se blog
- 1710 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Goeie More Stephan.
Ja jy is reg die bul het 'n groot pens en ek is trots op daardie pens. Die verskil tussen 'n bul met 'n pens en 'n bul sonder 'n pens beteken dat daardie bul wat 'n pens soos die een op die foto 'n veld aan gepaste bul is en nie uit 'n voerkraal uitkom nie. Die vermoe van die Boran om gras om te sit in vleis is wat hom besonders maak. Hierby my word die beeste op gras groot gemaak en die groot pens is dus die fabriek waar die gras omskep word in dit wat jy wil verkoop op die eiende van die dag teen wins "VLEIS"
As jy na 'n bul gaan kyk en hy het ,n "PLAT PENS" gaan jy geld mors om so 'n bul aan te koop want hy sal by jou in die veld kom staan en wag by die hek dat jy hom moet kom voer. Maar nou ja kom kyk hoe lyk die bul op die Nasonale veiling en vergewis jou met die bees ras wat die gras in ons land kan omskakel in vleis.
Dankie vir die kompliment op die koeie hulle het self lekker dik pense.
Boran Groete
Buks
Ek hou van jou vroulike diere, maar die bul het net 'n moerse pens en niks verder nie.
Hello Weereens.Johan.
EK het gaan kyk na die artikel wat ek dink jy na verwys wat geskryf is deur Dr Dreyer en daar is verwys na die teling van 'n F1 Boran / Nguni kruising en dan die F1 kruising te gebruik vir die opteel van 'n nuwe ras. In sy sy skrywe maak hy dan die stelling dat die Boran en die Nguni baie na aan mekaar is. Dit is onwaar want die navorsing het getoon dat die Boran onverwant is aan enige ras in die land. As jy verder sal lees op die artikel van Dr Dreyer sal jy sien dat daar 'n onbekende besoeker die inligting aan hom uit gewys het. As jy gaan lees wat die verdere kommentaar was op die brief van Dr Dreyer sal jy dit daar kan lees.
Ek kan dus vir jou met 'n geruste hart se dat as jy jou Nguni wil verbeter is die Boran jou antwoord.
Boran Groete
Buks
NS jy kan die artikel hier lees. www.landbou.com/kundiges/vra-vir-faffa/boran-nguni-kruisings
Buks
Goeie More Johan.
Ek weet nie wie DR Dreyer is nie maar ek het oor die afgelope 4 jaar redelik baie met boere te doene gekry wat hulle Nguni beeste met die Boran gekruis het en hulle is almal in hulle skik met die resultaat. My eerste Boran was 'n Boran/Nguni kruis bulletjie. My buurman in Richmond op dieselfde tyd het my bulletjie se half broer gekoop en hy gebruik hom nog steeds met welslae. Ons genootskap president het self eers met Nguni's geboer en hy het die Boran baie suksesvol gekruis met sy Nguni's. As jy hierdie week se Artikel lees in die Landbou Weekblad sal jy sien wat die voordeel is daarvan om met 'n Boran te kruis.
Ek is seker daarvan dat die meeste boere wat ernstig is oor die bemarking van veld vleis sal vir jou kan bevestig dat die Boran dit vir jou kan doen. Die Boran sit net meer vleis by op jou Nguni maar jy het nog steeds die beste van beide rasse.
Jy kan my kontak op 076 781 9404 of op buks@borans.co.za
Groetnis tot later.
Buks
Hallo Buks, Ek het 'n artikel van DR Dreyer gelees waarin hy sê dat daar min waarde is om Boran met Nguni's te kruis. Ek is teleurgesteld in die siening aangesien ek baie graag Borans in my Nguni kudde wil gebruik. Enige voorstelle?
Groette Johan Schoeman
Hallo Kobus
Jou beeste lyk pragtig, sal graag jou tel no wil he om sodoende met jou te kommunikeer.
Groete Hannes Maritz
084 512 3333
Jou diere is pragtig. Waardeer die blog en die inligting wat altyd verskaf word.
Kobus Pieterse
wielepieterse@yahoo.com
Naboomspruit
Lewer kommentaar. (Jy hoef nie ingeteken te wees nie.)