Boran groete van Bethal

Goeie Middag aan almal.

Wel hier sit ek nou teen die einde van Oktober en ek weet nie waar die jaar heen gehaas het nie.

Ons was die laaste ruk so 'n bietjie besig en nou het ons darem weer so 'n rus breek as gevolg van die lekker reen wat hier by ons geval het en nog besig is om te val. Het net begin om die lande reg te kry vir die plant van Oulands gras en Tef toe kom die reen. Gelukkig het ons die kunsmis op die ander Oulands gras gekry.

Die beeste is besig om te gedy en dan is daar ook nog kallers wat aan kom wat goed is vir hierdie tyd van die jaar. Ons ou beesies het maar swaar getrek deur die winter en die koeitjies is 'n bietjie afgesloof na die harde werk om die kalfies groot te maak hier op die Hoeveld.

Vir volgende jaar sal ons dan beter voorbereid wees vir al die probleme hier op die hoeveld.

Na al die nuwe ondervinding wat ons gekry het hier is ek seker dat volgende jaar baie lekker gaan wees. Ons sal poog om die beeste te laat kalf hier na die middel van Oktober en dan kan ons die winter geniet.

Ons het ook nou ons eerste Boran/Angus kruis kalfies gekry en hulle lyk baie goed. Na alles wat ek al gese het oor die Angus wat my net van ergenis voorsien het moet ek nou by se dat hulle baie goeie mammies is wat goed na hulle kalfies kyk. As ek nou so moet kyk na die nuwe klein Borangus kalfies dink ek dat hulle baie goed gaan presteer.

Die Angus koeie wat Boran embrios gekry het, het hulle goed van hulle taak gekwyt en hulle het vir ons sterk Boran kalwers gegee vir hierdie jaar.

Wel ek moet seker gou weer gaan kyk of ek iets te ete kry. Ek ryk 'n lekker reuk daarvan die kombuis se kant af.

Ek groet nou maar weer.

Boran groete aan almal.

Buks van Bethal

www.borans.co.za