Bosluise op honde - Bosluistifus op mense

 Ek het reeds oor die aspek geskrywe.  

Omdat ek deur die land gaan sien ek hierdie ontstellende gesigte.  Dit word op beeste bokke en skape gesien en as ek honde in hierdie toestand kry, ontstel dit my geweldig, omdat hierdie diere die vermoë het om te smeek vir genade.

Ek weet een ding, die boodskap van die wetenskap en die waarheid van bosluise moet onverpoosd en onverwyld uitgedra word.  Dit hoef niemand te pas nie.  Ek verklaar weereens oorlog teen vals inligting en onkundige maniere van bosluisbeheer. 

Hou mense verantwoordelik...

Wie ook onkundige beheer aanmoedig of toepas, moet aanspreeklik gehou word vir sy doen en late.  Wie ook inligting en verkope aanmoedig wat nie wetenskaplike gronde het nie, se werksaamhede en gevolge moet openbaar gemaak word om die skadelikheid aan mede boere en die omgewing te beklemtoon.

Hierdie tipe van goed kan nie in n ordentlike omgewing geduld word nie.  Verkeerde en onkundige bosluisbeheer is dieremishandeling in die ergste graad.

Siektes verwant

Hierdie bosluise wat op honde teer, en daar is hoofsaaklik 3 spesies, (geelhondehondebosluis en hondehokbosluis ) saam met die bontbosluis, grootbontpootbosluis, bruinoorbosluis, rooippootbosluis en die blinkbruinbosluis veroorsaak almal BOSLUISBYTKOORS OF BOSLUISTIFUS by die mens.

Die klein gladde blinkbruinbosluis en gladde bontpootbosluis kan bosluisverlamming by die mens veroorsaak.  Daar is al opgetekende gevalle van totale verlamming van bosluisbyte.

Die bontbosluis en bruinoorbosluis en die rooipootbosluis onder andere is drie gasheerbosluise wat ook op muise en rotte voed en dan die lewensgevaarlike virusse aan die mens oordra.

Rotte en muise is vir goeie redes ook laboratoruimtoets of proefdiere omdat hulle die ideale draers is van verskeie bakterie en virusse wat skadelik is vir die mens.  

Bosluise word besmet met 3 van die 4 gevaarlikste virusse bekend aan die mens nl. Kongokoors, die Arenavirus en vermoedelik Lassakoors.  Hierdie siektes, soos onlangs, word deur rotte en muise rondgedra en versprei. 

Al hierdie bosluise soos bo genoem kom in ons land voor.  

1. Die bestuur van bosluise op 'n wetenskaplike manier op plaasdiere maak net sin.  
2. Die bestuur van dienste soos Munisipale afvalhope wat muis en rotbevolkings beheer maak net sin
3. Die bestuur van bosluise op n wetenskaplike manier by troeteldiere maak net sin
4. Wat nie sin maak nie, is die mens en die besluite wat hy neem en die inligting wat hy gebruik om besluiste te neem.

Tans vind ons in Suid Afrika muis- en rotspesies wat glad nie inheems is nie en uit vreemde dele van Afrika orals te vind is.  Weet nie of sommige produsente en of die die Staat besef waarmee is hulle besig nie.

Hierdie organisasie doen onskatbare werk in die Townships.  Hulle doen opvoedingswerk daar want as dinge verkeerd loop, gaan dit oorspoel na die dorps en stedelike gebiede asook plase.  

www.claw-sa.org

Pierre van Niekerk

0126674755

0822208386

pierrevn@telkomsa.net