Brief aan produsente onder die Bloubosluisbeheerprogram

Sommige kliente het Telkomlyn probleme, daarom die skrywe hier sodat die moontlik iewers afgetrek kan word.

Midsomerprojeksies

Ek het almal se teoretiese weerstandigheidsprofiele en wiskundige analises weer gedoen op die Lab se resultate, by die van julle wat ek die resultate ontvang het. 

Ek is tevrede dat ek “spot on” is.  Ek het nodig om die datums van wat gedoen is te verreken met tydprojeksies.  Ek het net by een plaas, Jim Musto s’n in Alexandria is ‘n interessante uitdaging deurdat 1 van 4 groepe beeste, skielik n geweldige bosluisbesmetting het. 

Dit korreleer nie met die sukses wat ons het die ander groepe het nie.  Jim het gisteroggend bosluise geoes en na die Laboratorium gestuur in Bloem, sodat ons ‘n bosluis ID kan maak om te sien of dit bloubosluise is of multigashere. 

Iets hier maak nie sin nie omdat die ander groepe presies dieselfde behandel is en die diere is skoon.

Ek werk nou aan julle midsomer projeksies en wat plaasgevind het.  In die plaasprofiele soos wat ek dit het, moet ons op verskillende plase weens die unieke omstandighede, die veranderlike besmetting se oorsake definieer.

Op party plase moet ons skielik meer as ooit fokus op multigashere, bontbosluise, rooipote en bruinoorbosluise. 

Ander plase het erge hartwaterprobleme met diere wat nie onder die program val nie.  As diere links en regs vrek, skep dit vir my 'n erge uitdaging en probleem, omdat ek die weerstandige bosluise se bestuur moet skei van die multigashere, om nie die bestaande weerstandigheid verder bevorder nie.

Ons moet nie die bloubosluise onnodig blootstel aan die chemiese aktiewe waaraan hul weerstand toets nie.  Dan help als net mooi niks en sou ons, plaas dit ons maklik 1 jaar terug met als!

OP Humansdorp het ons bv. ‘n 40 dae nawerking gehad en kort daarna ‘n 32 dae nawerking van Deadline op multigashere, wat goed is. 

Die produk word op sommige plekke nie eens meer in die Koöperasie aangehou nie, omdat die persepsie bestaan dat dit nie meer werk nie.  Dis onwaar.  So ook met die ander produkte wat ons gebruik, wat weereens hulle gehalte nawerkinge bewys het.

Ons moet vriendelik die tydperke en die datums dophou, omdat dat dit nie met die spil van ons STRATEGIESE GEÏNTEGREERDE BEHEER PLAN, wat om bloubosluise se weerstandigheid draai, inmeng nie.

Onthou weereens, dat ek die aktiewe moet skei en met een produk eers voldoende beheer op bloubosluise moet kry, voordat ek n ander produk kan toedien, wat multigashere strategies uitskakel.

Kan julle net bevestig waar julle produk aankoop, want ek wil vars produk he en nie goed wat jare staan in n Koöperasie en ander plek en dan sit ons met verrassings as die aktiewe gesak het en of die diere brand of nie genoegsaam werk nie.   

Ek verkies dat julle produk aankoop deur my soos in n vorige epos, wat vars is, "batch" datums op is en waar waarborge op is.  Nou is daar geen waarborg nie want sommige produkte word orals "gesource" waar dit nie verkoop nie.

Jim Musto op Alexandria se situasie maak nie sin nie, anders dan dat dit multigashere is wat weerstandig is teen een van die beter produkte op die mark, (wat groot uitdagings gaan gee).  Of dit is ou produk, ek weet nie.  Die Lab se toetse sal vir ons sê en wat dan gedoen moet word as dit waar is, is 'n uitdaging.

Ek het geen idee wat julle multigashere gaan maak met die reën, seevog en droogte nie.  Dis die vreemste hartwatermoelikheid wat uit die veld uitkom.  

Sommige boere soos Denys Wells op Alexandria sê hy het die jaar die "vinnige" hartwater, die dier toon geen simptome en die volgende dag is is die duiwel los.  

So het Corn van der Watt op Humansdorp ook anderdag verklaar.   

Ek dink ons gaan n groot uitdaging hê met hulle en ons moet verhoed dat die bosluise op julle gronde onverpoosd, veral in die kusgebiede aanteel.

Die bosluise se intervalle moet bestudeer word en veral n geskiedenis oor die tydperke wanneer hierdie hartwater plaasgevind het, moet ondersoek word, omdat ons weet dat die dier vrek tussen 18 en 21 dae nadat dit met die hartwaterorganisme besmet is.  

Wat beteken, ons moes sowat 30 voor dit al reg gewees het om die spul te roer of te verhoed...

Ek wil ook nie hê julle moet oor Kersfees oor bosluise "worry" nie, julle hoef nie maar ek moet julle profiele opdateer en ons moet vooruit beplan en verrassings probeer uitskakel en reg wees om dit tydig te hanteer.  

By meeste van julle moet ons eers weer Februarie bloubosluise dip, want ons het by al die plase goeie beheer.

Verskaf as julle koste van aankope aan my, en die datums van wat jy waar gedoen het op epos, sodat ek my databewysrekords van julle kan staaf. 

Die kampe en die getalle diere daarin ook asseblief. 

Ek het  by sommige reënvalsyfers nog nodig vir sowat 3 jaar, julle  GPS koördinate en as julle die gemiddelde temperatuur het van die maande, stuur dit vir my, dan tel ek dit op die GPS koördinate op by die Weerburo.

Ek oorweeg om in die volgende twee weke van julle te besoek, sou ek onseker wees in die modelontleding, maar die wiskunde sover werk 100% in die analise.  

Onthou net dat die Biologie nooit vas is nie en met die klimaatsveranderinge en onaardige droogtes en reen op plekke, kan snaakse dinge gebeur oor Kersfees en Nuwejaar.

Baie groete

Pierre van Niekerk

0126674755

0822208386