Brulpaddas

Ek het een van daardie blou ligte wat jy saans aansit om al die torre en motte te lok en dan met 'n knal dood te skok as hulle aan die draadjies raak. Party van die goggatjies kry net 'n ligte skop en val dan grond toe waar hulle spartel en dronk rondhol.

Die kossies lok heelwat paddas en geitjies en agter hulle aan kom nou 'n jong luislang. Die nuutste besoeker was 'n brulpadda. Te oulik en heel knorrig. Hap na die hond en na my hand. Sover ek weet is hulle baie skaars en kom nou uit na die baie reen wat ons gehad het.