Die dag het toe aangebreek...

Ek is vanoggend so styf ek weet nie waar is my voor en waar my agterkant nie! My regter kuit kry heeltyd 'n kramp en my enkels jeuk so van al hierdie simpel muskiete wat in hul miljoene op ons toegeslaan het.

Moet se, die styfgeid het niks met die muskiete uit te waai nie. Gister het ons skapies toe nou hier aangekom!! Hul is vir ons natuurlik PRAGTIG! Dink nie die inspekteurs van die skoue sal die selfde dink nie, maar ons dink hul is pragtig. Moes hul natuurlik van die trok afhelp, en moet se, 'n skaap lyk baie kleiner in die veld as in my arms! 

Almal slaap hier langs ons heining en is nog in hul RWK-kamp! (Rus, water en kos) Dink wel hul gras sal hul binne vandag/more klaarmaak, maar gelukkig het ons hul lek ook gekry, en sal ons sommer vandag al begin uitsit. Maar eerstens, more is ek seker nie in 'n toestand om die trappe af te kom nie. Vandag gaan ons hul doseer en ent - sonder hanteringsfasiliteite!! Groot pret wat voorle! 

Dink maar aan ons!

Groete

Johan het eerste met die lammers deurgekom, en die trok so halfuur agter hom met die res van die skapies. Die lammers het op 'n trailer gekom en het almal veilig hier gearriveer. Hul is eerstens in die hanteringskamp/kraal gesit. Agter kan jul nog sien is die droppers en pale waar die diamantdraad nog vasgemaak aan moet word. Nog ver nie klaar nie...

Johan en Nico vat die "lastige" damarah rammetjie wat ook saam gekom het uit die troppie uit. Die loop nou tussen my hoenders! Hoop hy laat hul in vrede

Nico sit hier voor op die ramp wat hy vir ons in aller haas gebou het. Die het wonderlik gewerk, anders was ons seker nie vandag in n toestand om te kon beweeg nie. Die eerste 4-5 het ons van die trok afgetel aangesien ons bang was hul kry seer. Met hulp het hul toe darrem maklik eintlik met die ramp afgeklim. Ek en Johan staan agter. Die 2 hulpers is sommer die drywers van die lorrie, hul het gelukkig ook ingespring en gehelp keer dat hul nie langs die kante dalk afspring nie. Almal is nou net afgelaai en dit is 'n salige gevoel dat hul af is. Die lorrie was eintlik veronderstel om tot by die skaapkraal te gaan maar toe sak die weg in die sand onder op die draai. Gelukkig het die geroep van die lammers hul nader gelok na die kraal.

Nog 1 van die paar wat ons eer afgetel het... Ons is baie bevoorreg dat ons nie een skaap verloor het langs die pad nie. Ook geen ernstige beserings gehad nie!