Duitse Herdershonde 2 - Klein hondjies.

Om 'n klein hondjie aan te skaf is 'n groot verandwoordelikheid.  Om 'n hondjie van enige ras groot te maak neem tyd, energie en geld. Duitse Herdershonde, soos enige groot ras, eet baie, moet genoeg oefening kry as hulle groot is en moet verkieslik opgelei word.

3 weke oue hondjies. (Zak en Zaskia)

As jy besluit om 'n hondjie aan te skaf besluit waarvoor jy die hond gaan gebruik. As waghond of slegs as 'n troeteldier vir die familie. Koop by 'n teler en nie by 'n troeteldierwinkel of enige agterjaart teler nie. Dring altyd daarop om die ma van die klein hondjies te sien en as dit kan die pa ook. Moenie klein hondjies koop as hulle eenkant in 'n stoor of hondehok is nie en veral as die ma grom en padgee of enigsins senuweeagtig is nie. Die ma moet vriendelik en gemaklik wees met besoekers en kinders en die klein hondjies gewoond aan mense en hantering en "huisgeluide".

5 weke oue hondjie in die arms! ( Slagter)