Goeie Naand van Bethal

Goeie Naand

Wel hier sit ek nou weer op 'n reenerige aand in Bethal.

Ek sien dat ek lank laas geskryf het en ek nog boonop my wagwoord vergeet om op die blog te kom.

Alles nou weer aan die gang. Die laaste ruk was nie te goed met die internet saam hier op die Hoeveld nie. En dit het 'n ruk gevat maar hopelik is alles nou weer reg.

Die jaar het so vinnig verby gevlieg en ons het nie redes vir enige klagtes nie.

Met die beeste gaan dit goed en ek wag nou vir die laaste paar koeie om te kalf. Daar is nog 8 oor wat moet kalf en ek sal hopelik voor die einde van Desember klaar wees met daardie gedeelte.

Ek moet hier noem dat Balthazar goed gedoen het en dat ek baie in my skik is met hierdie jaar se kalwers.

Balthazar het werklik sy stempel op die jaar se kalwers gesit en ek het lank laas so eenvormigheid op kalfies gesien soos op hierdie jaar se kalwers.

Die wag vir die insit van Balthazar tot die eiende van Desember 2009 het goed gewerk. Die kalfies lyk goed want daar is genoeg kos in die veld vir die koeie.

Intussen het ek die jong bulle in 'n kamp gegooi weg van die huis af en vir hulle 40 jong Angus verse gereel vir oefening.

Ek dink die oefening behoort goed te werk want hulle het mider drade hier by die huis gebreek want hulle was te besig.

Vrydag bring ek die bulle in in wat ons hierdie seisoen gaan gebruik en daar is 3 jong bulle wat besonders goed lyk en wat uit goeie bloed lyne kom en ek hou groot verwagting vir hulle.

Verder is daar die 2009 verskalwers wat reg is vir keuring Vrydag en ek sal dan die beste begin voor berei vir volgende jaar se veiling by Circle C wat die 12 Februarie 2011 plaas vind by Circle C se veilings kompleks by Excelsior in die Vrystaat. Ek vat 6 top SP verse na die veiling toe.

Ek sal volgende week na die keuring fotos neem van die meisies en hulle hier op sit.

Ek is baie beindruk met Bonaparte en ek dink hy is 'n bul wat in die toekoms nog diep spore in my kudde gaan trap.

Hy is 'n bul wat weet hoe om die werk te doen en ek het nog nie 'n bul gesien wat soveel beheer uitoefen op die trop verse soos wat hy dit doen nie.

Dit is nogal komies om die klomp verse dop te hou en hoe Bonaparte hulle beheer.

Ek het ook die laaste van die Angus koeie verkoop en nou is daar nie meer beeste wat deur my drade loop nie.

Elke middag as ek by die hek aankom wag die koeietjies en kalfies daar vir my en ek hoef nie meer te loop soek vir enige Angus koeie nie.

Wel soos ek hier sit sing die wind redelik hard daarbuite so ek dink dit is tyd vir 'n laaste koppie tee en dan bed toe.

Net gou 'n laaste woord.

Corne as jy hierdie lees ek het op die blog waar jy kommentaar gelewer het my kontak besonderhede gelos.

Maar ek las dit hier onder aan.

Boran groete tot later

Buks van Bethal

www.borans.co.za

Sel no: 076 781 9404